Ers y dechrau, mae Tir Dewi wedi bod yn cefnogi ffermwyr a’u teuluoedd drwy gyfnodau anodd.
Sefydlodd ein sylfaenwyr, Y Parchedig Hybarch Eileen Davies, Archddiacon Aberteifi, a’r Esgob Wyn (bellach wedi ymddeol), Tir Dewi yn 2015. Fe wnaethant gydnabod yr angen cynyddol a difrifol i helpu ffermwyr a oedd yn wynebu cyfnodau anodd.
Gyda chyllid hael gan Eglwys yng Nghymru (Esgobaeth Tyddewi) a Chronfa Cefn Gwlad y Tywysog, llwyddodd Eileen i sefydlu Tir Dewi fel llinell gymorth a gwasanaeth cefnogi gwerthfawr, naill ai dros y ffôn neu, lle bo’n briodol, ar y fferm, ar gyfer ffermwyr yng Ngorllewin Cymru.
O’i dechreuadau bach, pan oedd Eileen yn dosbarthu taflenni gwybodaeth i’r gymuned ffermio leol, mae’r elusen wedi tyfu y tu hwnt i bob disgwyl. Mae Tir Dewi wedi helpu’n weithredol gannoedd o ffermwyr a’u teuluoedd a oedd, mewn un ffordd neu’r llall, yn ei chael hi’n anodd ymdopi. Heddiw, gall ffermwyr mewn angen ledled Cymru gael mynediad at wasanaethau Tir Dewi.
Ein nod yw eich helpu i weld y ffordd orau ymlaen i chi, a’ch cefnogi i gymryd y camau cywir i gyrraedd yno.
Hyd yma, rydym wedi sefydlu Tir Dewi yn rhanbarthau Sir Benfro, Ceredigion, Sir Gaerfyrddin, Clwyd, Powys, Conwy, Ynys Môn, Gwynedd a Gŵyr.
Rydym yn parhau i edrych am gyfleoedd i ehangu ein gwaith, gyda’r gobaith y byddwn, un diwrnod, yn gwasanaethu ffermwyr ledled Cymru gyfan – ‘Gwlad Dewi’.