Rydym yn cynnig cefnogaeth ar bob math o bethau gan gynnwys gweinyddiaeth, cymorth ymarferol, perthnasoedd ag eraill (a theulu), cynllunio olyniaeth a hyd yn oed gwrando yn unig. Ond weithiau, rydym yn cydnabod bod eraill a allai wneud gwaith gwell mewn maes penodol.

Dyna lle mae ein partneriaethau’n dod i mewn.

Rydym am sicrhau, beth bynnag yw problem y ffermwr, y gallwn ddarparu’r gefnogaeth orau bosibl, naill ai ein hunain neu drwy weithio gyda phartneriaid. Dyna pam rydym am ddod i’ch adnabod chi – os ydych chi’n gweithio yn y sector ffermio ac yn gallu darparu cefnogaeth, neu os ydych chi’n darparu cefnogaeth fwy cyffredinol ar faterion a all effeithio ar ffermwyr, yna dylem siarad.

Mae ein holl gefnogaeth am ddim i ffermwyr, ac mae angen i hynny fod yn wir am ein partneriaid hefyd. Ond nid yw am ddim yn golygu ansawdd isel ac rwy’n siŵr eich bod chi’n credu hynny hefyd.

Mae ein holl gefnogaeth hefyd yn gyfrinachol ac ni fyddwn byth yn barnu ffermwr – waeth beth fo’u hamgylchiadau. Mae angen caniatâd ffermwr arnom i wneud atgyfeiriad at bartner, ac mae angen i chi gael yr un peth i wneud atgyfeiriad at Tir Dewi – mae hyn yn arfer da syml, a moesau da.

Os gallwch chi ddarparu’r gefnogaeth rydyn ni’n sôn amdani ac os ydych chi’n teimlo y gallai Tir Dewi fod yn rhan ddefnyddiol o’ch rhwydwaith neu’ch ateb, cysylltwch â ni.